sar kaTā kar sifat-e-sham.a jo mar jaate haiñ
naam raushan vahī āfāq meñ kar jaate haiñ
lākhoñ kā ḳhuun bahā.enge vo jab hoñge javāñ
jo laḌakpan meñ lahū dekh ke Dar jaate haiñ
jumbish-e-teġh-e-nigah kī nahīñ hājat aslan
kaam merā vo ishāroñ hī meñ kar jaate haiñ
un ko ushshāq hī ke dil kī nahīñ hai taḳhsīs
koī shīsha ho parī ban ke utar jaate haiñ
barq kī tarah se betāb jo haiñ ai 'nādir'
tār-ghar kis kī vo lene ko ḳhabar jaate haiñ
sar kaTa kar sifat-e-shama jo mar jate hain
nam raushan wahi aafaq mein kar jate hain
lakhon ka KHun bahaenge wo jab honge jawan
jo laDakpan mein lahu dekh ke Dar jate hain
jumbish-e-tegh-e-nigah ki nahin hajat aslan
kaam mera wo ishaaron hi mein kar jate hain
un ko ushshaq hi ke dil ki nahin hai taKHsis
koi shisha ho pari ban ke utar jate hain
barq ki tarah se betab jo hain ai 'nadir'
tar-ghar kis ki wo lene ko KHabar jate hain
Source:
Intikhab-e-Sukhan(Volume-009) (Pg. e-245 p-244)
-
- Edition: 1983
- Publisher: Uttar Pradesh Urdu Academy, Lucknow
- Year of Publication: 1983
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.