sar ko chaha bhi uThana to uThaya na gaya

sar ko chāhā bhī uThānā to uThāyā na gayā

kar ke sajda tirā phir hosh meñ aayā na gayā

jalva-e-tūr kā ho dekhne vaalā be-ḳhud

ye bhī ik raaz thā ab tak jo batāyā na gayā

tū ne kis naaz se dekhā thā azal meñ in ko

aaj tak hosh meñ dīvānoñ se aayā na gayā

tā-dam-e-zīst na aayā mire naame kā javāb

nāma-bar mujh ko barābar hai gayā yā na gayā

vo miTā.eñge bhalā kyā mirī hastī 'afqar'

dahr meñ naqsh-e-vafā jin se miTāyā na gayā

sar ko chaha bhi uThana to uThaya na gaya

kar ke sajda tera phir hosh mein aaya na gaya

jalwa-e-tur ka ho dekhne wala be-KHud

ye bhi ek raaz tha ab tak jo bataya na gaya

tu ne kis naz se dekha tha azal mein in ko

aaj tak hosh mein diwanon se aaya na gaya

ta-dam-e-zist na aaya mere name ka jawab

nama-bar mujh ko barabar hai gaya ya na gaya

wo miTaenge bhala kya meri hasti 'afqar'

dahr mein naqsh-e-wafa jin se miTaya na gaya