sar pe aafat hai musibat hai bacha le mujhko

sar pe aafat hai musībat hai bachā le mujh ko

laḌkhaḌāte haiñ qadam koī sañbhāle mujh ko

maiñ masā.ib meñ bhī jiine kī duā māñgūñgā

log kahte haiñ ki duniyā se uThā le mujh ko

maiñ vo gauhar huuñ jo siine meñ dabā huuñ us ke

koī mallāh samundar se nikāle mujh ko

maiñ kamātā huuñ magar ab bhī mazā dete haiñ

mere maañ baap ke hāthoñ ke nivāle mujh ko

ik baḌe arse se maiñ ruuTh gayā huuñ ḳhud se

ho sake garche koī aa ke manā le mujh ko

naaz aa.egā muqaddar pe mujhe tab 'ahmad'

jab koī aa ke nasīb apnā banā le mujh ko

sar pe aafat hai musibat hai bacha le mujh ko

laDkhaDate hain qadam koi sanbhaale mujh ko

main masaib mein bhi jine ki dua mangunga

log kahte hain ki duniya se uTha le mujh ko

main wo gauhar hun jo sine mein daba hun us ke

koi mallah samundar se nikale mujh ko

main kamata hun magar ab bhi maza dete hain

mere man bap ke hathon ke niwale mujh ko

ek baDe arse se main ruTh gaya hun KHud se

ho sake garche koi aa ke mana le mujh ko

naz aaega muqaddar pe mujhe tab 'ahmad'

jab koi aa ke nasib apna bana le mujh ko