sar pe suraj hai kahin saya-e-diwar nahin

sar pe sūraj hai kahīñ sāya-e-dīvār nahīñ

ek phailā huā sahrā hai koī yaar nahīñ

jab se dekhī hai tirī sūrat-e-zebā ham ne

dīd-e-gul ke bhī zamāne meñ gunahgār nahīñ

jab na bikte the to har shaḳhs ḳharīdār milā

ab jo bāzār meñ aa.e to ḳharīdār nahīñ

shab kī tārīkī meñ chup-chāp mujhe qatl karo

dosto sar mirā shāyān-e-sar-e-dār nahīñ

kyuuñ na tāroñ kī ziyā hī meñ ho āġhāz-e-safar

sub.h hone ke to 'ārif' koī āsār nahīñ

sar pe suraj hai kahin saya-e-diwar nahin

ek phaila hua sahra hai koi yar nahin

jab se dekhi hai teri surat-e-zeba hum ne

did-e-gul ke bhi zamane mein gunahgar nahin

jab na bikte the to har shaKHs KHaridar mila

ab jo bazar mein aae to KHaridar nahin

shab ki tariki mein chup-chap mujhe qatl karo

dosto sar mera shayan-e-sar-e-dar nahin

kyun na taron ki ziya hi mein ho aaghaz-e-safar

subh hone ke to 'arif' koi aasar nahin