sar to neze pe un ke uchhaale gae

sar to neze pe un ke uchhāle ga.e

vo magar apnā īmāñ bachā le ga.e

ḳhuub ġhairoñ ke armāñ nikāle ga.e

aur ham the ki bātoñ meñ Taale ga.e

shauq-e-manzil jinheñ thā vo Thahre kahāñ

raah meñ un kī kāñTe bhī Daale ga.e

sar pe pahle to dastār bāñdhī ga.ī

aur phir bazm se ham nikāle ga.e

ḳhud-numā.ī kā shauq ā.ina-gar ko thā

aa.ine saḳht mushkil meñ Daale ga.e

saath jā.eñge ā'māl hī qabr meñ

kis ke kab ham-nafas ham-piyāle ga.e

jo chale us taraf ho ga.e mo'tabar

jis taraf aap ke naqsh-e-pā le ga.e

bach na paayā baḌe se baḌā muttaqī

jab burā.ī ke pahlū nikāle ga.e

sar to neze pe un ke uchhaale gae

wo magar apna iman bacha le gae

KHub ghairon ke arman nikale gae

aur hum the ki baaton mein Tale gae

shauq-e-manzil jinhen tha wo Thahre kahan

rah mein un ki kanTe bhi Dale gae

sar pe pahle to dastar bandhi gai

aur phir bazm se hum nikale gae

KHud-numai ka shauq aaina-gar ko tha

aaine saKHt mushkil mein Dale gae

sath jaenge aa'mal hi qabr mein

kis ke kab ham-nafas ham-piyale gae

jo chale us taraf ho gae mo'tabar

jis taraf aap ke naqsh-e-pa le gae

bach na paya baDe se baDa muttaqi

jab burai ke pahlu nikale gae