sarab-e-dasht tujhe aazmane wala kaun

sarāb-e-dasht tujhe āzmāne vaalā kaun

batā ye apne lahū meñ nahāne vaalā kaun

savād-e-shām ye shahzād-gān-e-sub.h kahāñ

siyāh shab meñ ye sūraj ugāne vaalā kaun

ye regzār meñ kis harf-e-lāzavāl kī chhāñv

shajar ye dasht-e-ziyāñ meñ lagāne vaalā kaun

ye kaun rāsta roke hue khaḌā thā abhī

aur ab ye raah ke patthar haTāne vaalā kaun

ye kaun hai ki jo tanhā.ī par bhī raazī hai

ye qatl-gāh se vāpas na jaane vaalā kaun

badan ke nuqra.ī TukḌe lahū kī ashrafiyāñ

idhar se guzrā hai aise ḳhazāne vaalā kaun

ye kis ke naam pe teġh-e-jafā nikaltī huī

ye kis ke ḳheme, ye ḳheme jalāne vaalā kaun

ubharte Dūbte manzar meñ kis kī raushaniyāñ

kalām-e-haq sar-e-neza sunāne vaalā kaun

milī hai jaan to us par nisār kyuuñ na karūñ

tū ai badan mire raste meñ aane vaalā kaun

sarab-e-dasht tujhe aazmane wala kaun

bata ye apne lahu mein nahane wala kaun

sawad-e-sham ye shahzad-gan-e-subh kahan

siyah shab mein ye suraj ugane wala kaun

ye regzar mein kis harf-e-lazawal ki chhanw

shajar ye dasht-e-ziyan mein lagane wala kaun

ye kaun rasta roke hue khaDa tha abhi

aur ab ye rah ke patthar haTane wala kaun

ye kaun hai ki jo tanhai par bhi raazi hai

ye qatl-gah se wapas na jaane wala kaun

badan ke nuqrai TukDe lahu ki ashrafiyan

idhar se guzra hai aise KHazane wala kaun

ye kis ke nam pe tegh-e-jafa nikalti hui

ye kis ke KHeme, ye KHeme jalane wala kaun

ubharte Dubte manzar mein kis ki raushaniyan

kalam-e-haq sar-e-neza sunane wala kaun

mili hai jaan to us par nisar kyun na karun

tu ai badan mere raste mein aane wala kaun