sarab-e-zoam mein tha aasman pakaDte hue

sarāb-e-zo.am meñ thā āsmāñ pakaḌte hue

zamīñ pe tifl girā hai dhuāñ pakaḌte hue

saroñ pe taan ga.ī dhuup phir se tez huā

ravā-ravī meñ ka.ī sā.ebāñ pakaḌte hue

farāz-e-arsh se ik TūTte sitāre ne

kiyā ġhubār mujhe kahkashāñ pakaḌte hue

hadaf-shanās huā to ye vāqi.a bhī huā

vo tiir toḌ rahā thā kamāñ pakaḌte hue

koī to rañg hai mauj-e-sarāb meñ bhī ki maiñ

yaqīn chhoḌ rahā huuñ gumāñ pakaḌte hue

ba-zo.am-e-nāz kū-e-be-kasī meñ aa pahuñchā

ba-sad niyāz dar-e-dostāñ pakaḌte hue

junūn-e-shauq meñ kāñTe bhī phuul lagne lage

maiñ zaḳhm zaḳhm huā titliyāñ pakaḌte hue

ab is madad se to achchhā hai Duub jā.ūñ maiñ

vo Dar rahā hai mirī uñgliyāñ pakaḌte hue

gilās toḌā gayā jis adā se is dil kā

mujhe ġhurūr sā hai kirchiyāñ pakaḌte hue

sarab-e-zoam mein tha aasman pakaDte hue

zamin pe tifl gira hai dhuan pakaDte hue

saron pe tan gai dhup phir se tez hua

rawa-rawi mein kai saeban pakaDte hue

faraaz-e-arsh se ek TuTte sitare ne

kiya ghubar mujhe kahkashan pakaDte hue

hadaf-shanas hua to ye waqia bhi hua

wo tir toD raha tha kaman pakaDte hue

koi to rang hai mauj-e-sarab mein bhi ki main

yaqin chhoD raha hun guman pakaDte hue

ba-zoam-e-naz ku-e-be-kasi mein aa pahuncha

ba-sad niyaz dar-e-dostan pakaDte hue

junun-e-shauq mein kanTe bhi phul lagne lage

main zaKHm zaKHm hua titliyan pakaDte hue

ab is madad se to achchha hai Dub jaun main

wo Dar raha hai meri ungliyan pakaDte hue

gilas toDa gaya jis ada se is dil ka

mujhe ghurur sa hai kirchiyan pakaDte hue