sarab-o-dasht wahi sarban tisra hai

sarāb-o-dasht vahī sārbān tīsrā hai

safar ke saath bañdhā imtihān tīsrā hai

huzūr fahm-o-farāsat se kaam lījiyegā

saḌak ke maġhribī jānib makān tīsrā hai

ye do jahān se aage kī ek manzil hai

atā-e-ishq-e-mohammad jahān tīsrā hai

azal abad ke nishāñ zindagī ke haamī haiñ

tabāhiyoñ kī ibārat nishān tīsrā hai

ham is se pahle bhī guzre haiñ imtihānoñ se

paḌāv pahlā sahī imtihān tīsrā hai

ye donoñ kaan to dīvār kī amānat haiñ

jo intihā-e-yaqīñ hai vo kaan tīsrā hai

maiñ dhuup oḌh ke niklā to ye khulā 'faisal'

yaqīn dūsrā mausam gumān tīsrā hai

sarab-o-dasht wahi sarban tisra hai

safar ke sath bandha imtihan tisra hai

huzur fahm-o-farasat se kaam lijiyega

saDak ke maghribi jaanib makan tisra hai

ye do jahan se aage ki ek manzil hai

ata-e-ishq-e-mohammad jahan tisra hai

azal abad ke nishan zindagi ke hami hain

tabahiyon ki ibarat nishan tisra hai

hum is se pahle bhi guzre hain imtihanon se

paDaw pahla sahi imtihan tisra hai

ye donon kan to diwar ki amanat hain

jo intiha-e-yaqin hai wo kan tisra hai

main dhup oDh ke nikla to ye khula 'faisal'

yaqin dusra mausam guman tisra hai