sarapa dard hai har lafz us ghamgin kahani ka

sarāpā dard hai har lafz us ġhamgīñ kahānī kā

na qissa sun sakoge tum mirī shām-e-javānī kā

vahī jān-e-hazīñ merī jo niklī thī mohabbat meñ

badal kar bhes aa.ī hai hayāt-e-jāvedānī kā

purāne ho chuke haiñ lailā-o-majnūñ ke afsāne

suno to maiñ sunā.ūñ ik nayā TukḌā kahānī kā

naqāb-e-ruḳh ulaT kar aa nikal aa aaj parde se

mirī nazroñ ne zimma le liyā hai pāsbānī kā

sitam dekho zarā kaisī ye ulTī rasm-e-duniyā hai

ki dete haiñ yahāñ gulchīñ ko ohda bāġhbānī kā

na jāneñ ḳhud-baḳhud kyoñ aañkh meñ aañsū bhar aate haiñ

koī jab naam le detā hai ai 'fāzil' javānī kā

sarapa dard hai har lafz us ghamgin kahani ka

na qissa sun sakoge tum meri sham-e-jawani ka

wahi jaan-e-hazin meri jo nikli thi mohabbat mein

badal kar bhes aai hai hayat-e-jawedani ka

purane ho chuke hain laila-o-majnun ke afsane

suno to main sunaun ek naya TukDa kahani ka

naqab-e-ruKH ulaT kar aa nikal aa aaj parde se

meri nazron ne zimma le liya hai pasbani ka

sitam dekho zara kaisi ye ulTi rasm-e-duniya hai

ki dete hain yahan gulchin ko ohda baghbani ka

na jaanen KHud-baKHud kyon aankh mein aansu bhar aate hain

koi jab nam le deta hai ai 'fazil' jawani ka