sarasar un ko gulistan-e-arzu kahiye

sarāsar un ko gulistān-e-ārzū kahiye

rukeñ to rañg samjhiye chaleñ to bū kahiye

hamārī tishnagī-e-shauq kī hai baat kuchh aur

ye vo nahīñ jise daurān-e-guftugū kahiye

mujhe shikast kā ilzām bhī qubūl magar

muqābil aa.iye barbād-e-justujū kahiye

savāl-e-shauq kā aksar javāb bantī hai

tirī nazar kī ḳhamoshī ko guftugū kahiye

hamārī tishna-labī ko na kar sakī sairāb

vo guftugū kī ravānī ki āb-jū kahiye

har inqalāb kī lahar apne mai-kade meñ hai

kise sharāb samajhiye kise lahū kahiye

chaman-badosh hai har vādī-e-nazar 'nāzish'

merī hayāt ko kashmīr-e-ārzū kahiye

sarasar un ko gulistan-e-arzu kahiye

ruken to rang samjhiye chalen to bu kahiye

hamari tishnagi-e-shauq ki hai baat kuchh aur

ye wo nahin jise dauran-e-guftugu kahiye

mujhe shikast ka ilzam bhi qubul magar

muqabil aaiye barbaad-e-justuju kahiye

sawal-e-shauq ka aksar jawab banti hai

teri nazar ki KHamoshi ko guftugu kahiye

hamari tishna-labi ko na kar saki sairab

wo guftugu ki rawani ki aab-ju kahiye

har inqalab ki lahar apne mai-kade mein hai

kise sharab samajhiye kise lahu kahiye

chaman-badosh hai har wadi-e-nazar 'nazish'

meri hayat ko kashmir-e-arzu kahiye