sard rishton ki barf pighli hai

sard rishtoñ kī barf pighlī hai

dhuup muddat ke ba.ad niklī hai

niiñd āñkhoñ se ye churā.egī

gasht par yaad phir se niklī hai

har na.ī lahr meñ nayā paanī

vo jo pichhlī thī ab vo aglī hai

rañg vo hī bharegī donoñ meñ

apnī yādoñ kī vo jo titlī hai

phuuT paanī meñ paḌ ga.ī hai kyā

lahr dariyā banāne niklī hai

mere jiine ko bas ye hai kaafī

tū hai bārish hai aur titlī hai

be-ḳhayālī meñ gir paḌī hogī

vo nahīñ jāntī vo bijlī hai

chāñd ko chug gayā thā ik panchhī

chāñdnī phir kahāñ se niklī hai

vaj.h tum hī the mere jiine kī

vaj.h ab bhī kahāñ ye badlī hai

uḌtī hai ġham liye paroñ par jo

kaisī ḳhush-rañg sī vo titlī hai

tujh se tasvīr terī achchhī hai

ba.ad muddat bhī vo na badlī hai

sard rishton ki barf pighli hai

dhup muddat ke baad nikli hai

nind aankhon se ye churaegi

gasht par yaad phir se nikli hai

har nai lahr mein naya pani

wo jo pichhli thi ab wo agli hai

rang wo hi bharegi donon mein

apni yaadon ki wo jo titli hai

phuT pani mein paD gai hai kya

lahr dariya banane nikli hai

mere jine ko bas ye hai kafi

tu hai barish hai aur titli hai

be-KHayali mein gir paDi hogi

wo nahin jaanti wo bijli hai

chand ko chug gaya tha ek panchhi

chandni phir kahan se nikli hai

wajh tum hi the mere jine ki

wajh ab bhi kahan ye badli hai

uDti hai gham liye paron par jo

kaisi KHush-rang si wo titli hai

tujh se taswir teri achchhi hai

baad muddat bhi wo na badli hai