sarir-e-KHama se tashrih-e-sirr-e-zi hogi

sarīr-e-ḳhāma se tashrīh-e-sirr-e-zī hogī

fazā-e-sher meñ iqlīm-e-āgahī hogī

jise karam se tire baḳht-e-nā-rasā na milā

use nasīb haqīqat meñ kyā ḳhushī hogī

fazā-e-tīra kī uqda-kushā hai jo tanvīr

ḳhulūs-e-dil kī vo pur-kār sādgī hogī

riyāz-e-ma.anī kī jis se fazā hai raḳhshanda

alam-nasīb ke dil kī vo shā.erī hogī

haram ke ḳhāk-nashīnoñ se be-adab ījād

vufūr-e-dard se paidā qalandarī hogī

lahū se dil ke charāġhāñ karo ḳhudā-ḳhāna

taḌap jo ruuh meñ hogī to bandagī hogī

harīm-e-nāz ko sūrat-parast kyā jaane

adā-shanās faqat dil kī be-ḳhudī hogī

sarir-e-KHama se tashrih-e-sirr-e-zi hogi

faza-e-sher mein iqlim-e-agahi hogi

jise karam se tere baKHt-e-na-rasa na mila

use nasib haqiqat mein kya KHushi hogi

faza-e-tira ki uqda-kusha hai jo tanwir

KHulus-e-dil ki wo pur-kar sadgi hogi

riyaz-e-mani ki jis se faza hai raKHshanda

alam-nasib ke dil ki wo shaeri hogi

haram ke KHak-nashinon se be-adab ijad

wufur-e-dard se paida qalandari hogi

lahu se dil ke charaghan karo KHuda-KHana

taDap jo ruh mein hogi to bandagi hogi

harim-e-naz ko surat-parast kya jaane

ada-shanas faqat dil ki be-KHudi hogi