saron par taj rakkhe the qadam par taKHt rakkha tha

saroñ par taaj rakkhe the qadam par taḳht rakkhā thā

vo kaisā vaqt thā muTThī meñ saarā vaqt rakkhā thā

vo tanhā ḳhāksārī thī nibhāyā umr bhar us ne

mizāj-e-shāh-e-ālamgīr varna saḳht rakkhā thā

bahut sāmān thā ghar meñ bahut sī ne.amateñ bhī thiiñ

musāfir ne magar apnā safar be-raḳht rakkhā thā

gire the dhīre dhīre saare kañgūre zamāne ke

havelī meñ to ab ke lā-makāñ yak-laḳht rakkhā thā

maiñ sab ko chhoḌ kar duniyā tire raste pe aa jaatā

magar is rāste meñ bhī dil-e-kam-baḳht rakkhā thā

saron par taj rakkhe the qadam par taKHt rakkha tha

wo kaisa waqt tha muTThi mein sara waqt rakkha tha

wo tanha KHaksari thi nibhaya umr bhar us ne

mizaj-e-shah-e-alamgir warna saKHt rakkha tha

bahut saman tha ghar mein bahut si neamaten bhi thin

musafir ne magar apna safar be-raKHt rakkha tha

gire the dhire dhire sare kangure zamane ke

haweli mein to ab ke la-makan yak-laKHt rakkha tha

main sab ko chhoD kar duniya tere raste pe aa jata

magar is raste mein bhi dil-e-kam-baKHt rakkha tha