sarshaar bhi karti hai ghazal leti hai jaan bhi

sarshār bhī kartī hai ġhazal letī hai jaañ bhī

ḳhushbū ke barābar se nikaltā hai dhuāñ bhī

hotī thiiñ kabhī shaam kī nīñdeñ bhī mayassar

āñkhoñ meñ guzar jaatī hai ab pahlī azaañ bhī

pahchān faqat nām-o-nasab se nahīñ hotī

shajre kā patā detī hai insāñ kī zabāñ bhī

kis tarah kiyā tū ne mohabbat kā izāla

puurā na huā mujh se to lamhoñ kā ziyāñ bhī

kuchh daḳhl nahīñ merā miyāñ kār-e-junūñ meñ

ab 'ishq pe hai mujh ko ye le jaa.e jahāñ bhī

is duniyā meñ kar mujh se na.e jazboñ kī ḳhvāhish

matrūk nahīñ chalte 'hasan' sikke yahāñ bhī

sarshaar bhi karti hai ghazal leti hai jaan bhi

KHushbu ke barabar se nikalta hai dhuan bhi

hoti thin kabhi sham ki ninden bhi mayassar

aankhon mein guzar jati hai ab pahli azan bhi

pahchan faqat nam-o-nasab se nahin hoti

shajre ka pata deti hai insan ki zaban bhi

kis tarah kiya tu ne mohabbat ka izala

pura na hua mujh se to lamhon ka ziyan bhi

kuchh daKHl nahin mera miyan kar-e-junun mein

ab 'ishq pe hai mujh ko ye le jae jahan bhi

is duniya mein kar mujh se nae jazbon ki KHwahish

matruk nahin chalte 'hasan' sikke yahan bhi