sataish se hote nahin shadman

satā.ish se hote nahīñ shādmāñ

malāmat se ham tilmilāte nahīñ

ho ḳhauf-e-ḳhudā jin ke dil meñ basā

vo hargiz kisī ko satāte nahīñ

gunāhoñ se dāman bachāte haiñ ham

ibādat meñ go sar jhukāte nahīñ

na ham rahnumā haiñ na ham rāhbar

ġhalat raah lekin batāte nahīñ

ibādat se paate haiñ ham vo surūr

jo mīnā-o-sāġhar se paate nahīñ

hai āñkhoñ se piine kī ḳhvāhish hameñ

magar vo nazar tak milāte nahīñ

mohabbat meñ ham khaa.e baiThe haiñ maat

magar ashk 'lāġhar' bahāte nahīñ

sataish se hote nahin shadman

malamat se hum tilmilate nahin

ho KHauf-e-KHuda jin ke dil mein basa

wo hargiz kisi ko satate nahin

gunahon se daman bachate hain hum

ibaadat mein go sar jhukate nahin

na hum rahnuma hain na hum rahbar

ghalat rah lekin batate nahin

ibaadat se pate hain hum wo surur

jo mina-o-saghar se pate nahin

hai aankhon se pine ki KHwahish hamein

magar wo nazar tak milate nahin

mohabbat mein hum khae baiThe hain mat

magar ashk 'laghar' bahate nahin