sau bar chaman mahka sau bar bahaar aai

Sufi Tabassum

sau bar chaman mahka sau bar bahaar aai

Sufi Tabassum

MORE BY Sufi Tabassum

    sau baar chaman mahkā sau baar bahār aa.ī

    duniyā vahī raunaq dil vahī tanhā.ī

    ik lahza bahe aañsū ik lahza hañsī aa.ī

    sīkhe haiñ na.e dil ne andāz-e-shakebā.ī

    is mausam-e-gul se bahke nahīñ dīvāne

    saath abr-e-bahārāñ ke vo zulf bhī lahrā.ī

    har dard-e-mohabbat se uljhā hai ġham-e-hastī

    kyā kyā hameñ yaad aayā jab bhī tirī aa.ī

    charke vo diye dil ko mahrūmī-e-qismat ne

    ab hijr bhī tanhā.ī aur vasl bhī tanhā.ī

    dekhe haiñ bahut ham ne hañgāme mohabbat ke

    āġhāz bhī rusvā.ī anjām bhī rusvā.ī

    ye bazm-e-mohabbat hai is bazm-e-mohabbat meñ

    dīvāne bhī shaidā.ī farzāne bhī shaidā.ī

    sau bar chaman mahka sau bar bahaar aai

    duniya ki wahi raunaq dil ki wahi tanhai

    ek lahza bahe aansu ek lahza hansi aai

    sikhe hain nae dil ne andaz-e-shakebai

    is mausam-e-gul hi se bahke nahin diwane

    sath abr-e-bahaaran ke wo zulf bhi lahrai

    har dard-e-mohabbat se uljha hai gham-e-hasti

    kya kya hamein yaad aaya jab bhi teri aai

    charke wo diye dil ko mahrumi-e-qismat ne

    ab hijr bhi tanhai aur wasl bhi tanhai

    dekhe hain bahut hum ne hangame mohabbat ke

    aaghaz bhi ruswai anjam bhi ruswai

    ye bazm-e-mohabbat hai is bazm-e-mohabbat mein

    diwane bhi shaidai farzane bhi shaidai

    Videos
    This video is playing from YouTube

    Videos
    This video is playing from YouTube

    Tarannum Naz

    Tarannum Naz

    Naseem Begum

    Naseem Begum

    Source:

    • Book : kulliyate-sufi tabassum (Pg. 112)
    • Author : sufi tabassum
    • Edition : 2008
    • Book : Ghazal Calendar-2015 (Pg. 21.08.2015)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY