sau hath uThe karb ki KHushbu ko churane

Afzal Minhas

sau hath uThe karb ki KHushbu ko churane

Afzal Minhas

MORE BYAfzal Minhas

    sau haath uThe karb ḳhushbū ko churāne

    kyā zaḳhm lagā.e haiñ mire tan pe havā ne

    raste meñ koī peḌ jo mil jaa.e to baiThūñ

    vo baar uThāyā hai ki dikhne lage shāne

    āñkhoñ meñ basī thī tire chehre tamāzat

    chalne na diyā raah meñ zanjīr-e-sadā ne

    chehre the ki marqad tarah nauha-ba-lab the

    kyā kyā na rulāyā mujhe mānūs fazā ne

    naġhmoñ ke ta.āqub meñ na jaao ki abhī tak

    insāñ ko mayassar nahīñ hoñT hilāne

    kyuuñ itne pareshān ho unvāñ talab meñ

    kirdār mukammal ho to bante haiñ fasāne

    āñkhoñ ke jharokoñ se kise DhūñD rahe ho

    har naqsh miTā Daalā hai sahrā havā ne

    duniyā meñ yahī soch ke zinda huuñ maiñ 'afzal'

    ehsās to baḳhshā hai mujhe mere ḳhudā ne

    sau hath uThe karb ki KHushbu ko churane

    kya zaKHm lagae hain mere tan pe hawa ne

    raste mein koi peD jo mil jae to baiThun

    wo bar uThaya hai ki dikhne lage shane

    aankhon mein basi thi tere chehre ki tamazat

    chalne na diya rah mein zanjir-e-sada ne

    chehre the ki marqad ki tarah nauha-ba-lab the

    kya kya na rulaya mujhe manus faza ne

    naghmon ke taaqub mein na jao ki abhi tak

    insan ko mayassar hi nahin honT hilane

    kyun itne pareshan ho unwan ki talab mein

    kirdar mukammal ho to bante hain fasane

    aankhon ke jharokon se kise DhunD rahe ho

    har naqsh miTa Dala hai sahra ki hawa ne

    duniya mein yahi soch ke zinda hun main 'afzal'

    ehsas to baKHsha hai mujhe mere KHuda ne

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY