sau zulmaten hai ishq-e-pareshan liye hue

sau zulmateñ hai ishq-e-pareshāñ liye hue

aa jaao mash.al-e-ruḳh-e-tābāñ liye hue

har mauj be-ḳharāsh thī dariyā-e-husn kī

aanā paḌā talātum-e-armāñ liye hue

dast-e-junūñ ko chheḌ na ġhairat-dah-e-bahār

dāman se jā mile na garebāñ liye hue

baḌh jaa.e aur arsa-e-mehshar zarūratan

aayā huuñ saath kasrat-e-isyāñ liye hue

ik sarmadī hayāt gale mil ke dī ga.ī

thī teġh-e-nāz chashma-e-haivāñ liye hue

dete rahe vo husn ko dars-e-jamāl-e-tūr

baiThā rahā maiñ dīda-e-hairāñ liye hue

aatā hai kaun hashr meñ ye jhūmtā huā

sajdoñ ke saath kūcha-e-jānāñ liye hue

tū apne tīr-e-nāz kā mujh se na zikr kar

dil uḌ na jaa.e ālam-e-imkāñ liye hue

chhāyā hai 'abr' mohr-e-qayāmat pe ban ke abr

vo ashk thā jo dīda-e-giryāñ liye hue

sau zulmaten hai ishq-e-pareshan liye hue

aa jao mashal-e-ruKH-e-taban liye hue

har mauj be-KHarash thi dariya-e-husn ki

aana paDa talatum-e-arman liye hue

dast-e-junun ko chheD na ghairat-dah-e-bahaar

daman se ja mile na gareban liye hue

baDh jae aur arsa-e-mehshar zaruratan

aaya hun sath kasrat-e-isyan liye hue

ek sarmadi hayat gale mil ke di gai

thi tegh-e-naz chashma-e-haiwan liye hue

dete rahe wo husn ko dars-e-jamal-e-tur

baiTha raha main dida-e-hairan liye hue

aata hai kaun hashr mein ye jhumta hua

sajdon ke sath kucha-e-jaanan liye hue

tu apne tir-e-naz ka mujh se na zikr kar

dil uD na jae aalam-e-imkan liye hue

chhaya hai 'abr' mohr-e-qayamat pe ban ke abr

wo ashk tha jo dida-e-giryan liye hue