sauda-e-gesu-e-siyah-e-yar ho gaya
sauda-e-gesu-e-siyah-e-yar ho gaya
Radhe Shiyam Rastogi Ahqar
MORE BYRadhe Shiyam Rastogi Ahqar
saudā-e-gesū-e-siyah-e-yār ho gayā
āzād thā jo dil so giraftār ho gayā
majlis meñ jis taraf tirī tirchhī nazar paḌī
ik tiir thā ki toḌ ke saf paar ho gayā
sach hai ye hirs kartī hai insān ko ḳharāb
ġham khāyā is qadar ki maiñ bīmār ho gayā
dil ko qarār hai na to jaañ ko qarār hai
ye ishq hai ilāhī ki āzār ho gayā
anbā-e-jins se jo uThā.īñ aziyyateñ
sūrat se aadmī kī maiñ bezār ho gayā
sair-e-chaman ko yaar jo aayā to dekhnā
āñkhoñ meñ andalīb ke gul ḳhaar ho gayā
'ahqar' gila rahā na adāvat kā ġhair kī
jab yaar qatl karne pe tayyār ho gayā
sauda-e-gesu-e-siyah-e-yar ho gaya
aazad tha jo dil so giraftar ho gaya
majlis mein jis taraf teri tirchhi nazar paDi
ek tir tha ki toD ke saf par ho gaya
sach hai ye hirs karti hai insan ko KHarab
gham khaya is qadar ki main bimar ho gaya
dil ko qarar hai na to jaan ko qarar hai
ye ishq hai ilahi ki aazar ho gaya
anba-e-jins se jo uThain aziyyaten
surat se aadmi ki main bezar ho gaya
sair-e-chaman ko yar jo aaya to dekhna
aankhon mein andalib ke gul KHar ho gaya
'ahqar' gila raha na adawat ka ghair ki
jab yar qatl karne pe tayyar ho gaya
Source:
Naqshha-e-rang rang (Pg. 11)
- Author: Radhe Shiyaam Ahqar
-
- Edition: 1953
- Publisher: Nami Press Lucknow
- Year of Publication: 1953
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
