sauda-e-ishq-e-KHam to har ek bashar mein hai

saudā-e-ishq-e-ḳhām to har ik bashar meñ hai

majnūñ sā zabt-o-josh-o-junūñ kis ke sar meñ hai

ik maiñ hī madah-go nahīñ sarkār aap kā

charchā tumhāre husn kā har ek ghar meñ hai

allāh re nūr-e-mus.haf-e-ruḳhsār kī damak

ye taab ye chamak kahāñ la.al-o-guhar meñ hai

ghāyal kiye hazār to lākhoñ jalā diye

kyā baat un kī nigah-e-jādū-asar meñ hai

nāhaq hī koste ho jo rindoñ ko shaiḳh jī

dekhā bhī rashk-e-hūr koī umr bhar meñ hai

ḳhanjar chhupā liye haiñ jo mizhgāñ kī aaḌ meñ

ham par ayaañ hai sab jo tumhārī nazar meñ hai

bismil hue raqīb to ham tilmilā uThe

saare jahāñ kā dard hamāre jigar meñ hai

ḳhāna-ḳharāb-e-ishq ne duniyā se kho diyā

is par bhī aaj tak vahī ḳhafaqān sar meñ hai

'āzam' bajā hai sīm-tanoñ kā ġhurūr-e-husn

qudrat hai un kī baat meñ jaadū nazar meñ hai

sauda-e-ishq-e-KHam to har ek bashar mein hai

majnun sa zabt-o-josh-o-junun kis ke sar mein hai

ek main hi madah-go nahin sarkar aap ka

charcha tumhaare husn ka har ek ghar mein hai

allah re nur-e-mushaf-e-ruKHsar ki damak

ye tab ye chamak kahan lal-o-guhar mein hai

ghayal kiye hazar to lakhon jala diye

kya baat un ki nigah-e-jadu-asar mein hai

nahaq hi koste ho jo rindon ko shaiKH ji

dekha bhi rashk-e-hur koi umr bhar mein hai

KHanjar chhupa liye hain jo mizhgan ki aaD mein

hum par ayan hai sab jo tumhaari nazar mein hai

bismil hue raqib to hum tilmila uThe

sare jahan ka dard hamare jigar mein hai

KHana-KHarab-e-ishq ne duniya se kho diya

is par bhi aaj tak wahi KHafaqan sar mein hai

'azam' baja hai sim-tanon ka ghurur-e-husn

qudrat hai un ki baat mein jadu nazar mein hai