sauda hua hai jis ko ruKH-e-zulf-e-yar ka

saudā huā hai jis ko ruḳh-e-zulf-e-yār kā

kyā ḳhauf us ko gardish-e-lail-o-nahār kā

kyā pūchhte ho haal dil-e-be-qarār kā

dhaḌkā lagā huā hai ġham-e-rozgār kā

phir dekhiye na ek bhī va.ada vafā huā

phir e'tibār kuchh na rahā e'tibār kā

niyyat kisī kī mā.il-e-jaur-o-jafā to ho

ghaT jaa.e tuul abhī sitam-e-rozgār kā

ai barq-e-tūr kab kī thī muusā se dushmanī

dikhlā diyā jo rang dil-e-be-qarār kā

phir aagyā hai jaur kā shāyad unheñ ḳhayāl

phir baḌh chalā hai zulm-o-sitam rozgār kā

piirī meñ bhī shabāb kī bāteñ zarūr hoñ

hāsil ho lutf kuchh to ḳhizāñ meñ bahār kā

'mas.ūd' naaz unheñ hai darāzī-e-zulf par

dekhā nahīñ hai tuul shab-e-intizār kā

sauda hua hai jis ko ruKH-e-zulf-e-yar ka

kya KHauf us ko gardish-e-lail-o-nahaar ka

kya puchhte ho haal dil-e-be-qarar ka

dhaDka laga hua hai gham-e-rozgar ka

phir dekhiye na ek bhi wada wafa hua

phir e'tibar kuchh na raha e'tibar ka

niyyat kisi ki mail-e-jaur-o-jafa to ho

ghaT jae tul abhi sitam-e-rozgar ka

ai barq-e-tur kab ki thi musa se dushmani

dikhla diya jo rang dil-e-be-qarar ka

phir aagya hai jaur ka shayad unhen KHayal

phir baDh chala hai zulm-o-sitam rozgar ka

piri mein bhi shabab ki baaten zarur hon

hasil ho lutf kuchh to KHizan mein bahaar ka

'masud' naz unhen hai daraazi-e-zulf par

dekha nahin hai tul shab-e-intizar ka