sawad-e-shahr mein thoDi si ye jo jannat hai

savād-e-shahr meñ thoḌī sī ye jo jannat hai

hamāre ahd ke namrūd kī virāsat hai

tamām mulk meñ us kī ġhazal kī shohrat hai

hamāre shahr meñ ik shaḳhs shād-o-hasrat hai

ġhazal ġhazal nahīñ fan kī aziim daulat hai

ye 'mīr'-o-'ġhālib'-o-'iqbāl' kī amānat hai

na mo.ajiza koī ilhām na risālat hai

yazīd-o-shimr haiñ lākhoñ ḳhudā kī qudrat hai

abhī hai der zarā dhuup ke utarne meñ

fasīl-e-shab se bhī ūñchī hisār-e-zulmat hai

ajiib vaqt hai ab dostoñ ke chāqū ko

mire qalam kī nahīñ uñgliyoñ kī hasrat hai

sawad-e-shahr mein thoDi si ye jo jannat hai

hamare ahd ke namrud ki wirasat hai

tamam mulk mein us ki ghazal ki shohrat hai

hamare shahr mein ek shaKHs shad-o-hasrat hai

ghazal ghazal nahin fan ki azim daulat hai

ye 'mir'-o-'ghaalib'-o-'iqbaal' ki amanat hai

na moajiza koi ilham na risalat hai

yazid-o-shimr hain lakhon KHuda ki qudrat hai

abhi hai der zara dhup ke utarne mein

fasil-e-shab se bhi unchi hisar-e-zulmat hai

ajib waqt hai ab doston ke chaqu ko

mere qalam ki nahin ungliyon ki hasrat hai