sawal kaise karun main is se jawab hai jo meri dua ka

savāl kaise karūñ maiñ is se javāb hai jo mirī duā kā

karegā kaise vo bevafā.ī mujhe yaqīñ hai mirī vafā kā

na is se milne kī hai tamannā na us ko paane kī aarzū hai

diyā mohabbat kā jal rahā hai jo jī meñ aa.e kare havā kā

jo bādaloñ par maiñ chal rahī huuñ to āsmānoñ ko chhū rahī huuñ

ki saath mere hī chal rahā hai vo haath thāme hue ghaTā kā

maiñ is ke sheroñ meñ Dhal rahī huuñ vo merā lahja badal rahā hai

maiñ chup rahūñ aur kahūñ na kuchh bhī yahī taqāza to hai hayā kā

bhulāne baiThī huuñ saarī duniyā dhaḌak rahā hai vo mere dil meñ

jo dūriyāñ haiñ samundaroñ kī vo fāsla hai bas ik sadā kā

sawal kaise karun main is se jawab hai jo meri dua ka

karega kaise wo bewafai mujhe yaqin hai meri wafa ka

na is se milne ki hai tamanna na us ko pane ki aarzu hai

diya mohabbat ka jal raha hai jo ji mein aae kare hawa ka

jo baadalon par main chal rahi hun to aasmanon ko chhu rahi hun

ki sath mere hi chal raha hai wo hath thame hue ghaTa ka

main is ke sheron mein Dhal rahi hun wo mera lahja badal raha hai

main chup rahun aur kahun na kuchh bhi yahi taqaza to hai haya ka

bhulane baiThi hun sari duniya dhaDak raha hai wo mere dil mein

jo duriyan hain samundaron ki wo fasla hai bas ek sada ka