sawar koi pas-e-parda-e-ghubar na tha

savār koī pas-e-parda-e-ġhubār na thā

magar tajassus-e-nazzāra ko qarār na thā

maiñ is qadar bhī to auhām kā shikār na thā

ḳhushā vo din ki tirā lutf baar baar na thā

vo ek shaḳhs jo rah rah ke yaad aatā hai

vafā-shanās thā lekin vafā-shi'ār na thā

ye hādisa bhī 'ajab hai ki mere hone par

sivā.e mere koī aur sogvār na thā

mire yaqīn kī zanjīr kaT ga.ī hotī

tire fareb kā ḳhanjar hī āb-dār na thā

vo hādse ki lahū-rang ho gayā ehsās

vo sānahe ki mujhe jin kā intizār na thā

sawar koi pas-e-parda-e-ghubar na tha

magar tajassus-e-nazzara ko qarar na tha

main is qadar bhi to auham ka shikar na tha

KHusha wo din ki tera lutf bar bar na tha

wo ek shaKHs jo rah rah ke yaad aata hai

wafa-shanas tha lekin wafa-shi'ar na tha

ye hadisa bhi 'ajab hai ki mere hone par

siwae mere koi aur sogwar na tha

mere yaqin ki zanjir kaT gai hoti

tere fareb ka KHanjar hi aab-dar na tha

wo hadse ki lahu-rang ho gaya ehsas

wo sanahe ki mujhe jin ka intizar na tha