sayyaad aa gae hain sabhi ek ghat par
sayyād aa ga.e haiñ sabhī ek ghaat par
uThne lagī haiñ uñgliyāñ ab merī zaat par
mausam kā lahja sard hai yādeñ bhī talḳh haiñ
tanhā.iyoñ kā bojh hai har samt raat par
kyuuñ aaj merī yaad bhī aa.ī nahīñ tujhe
kal tak to merā tazkira thā baat baat par
ghaTte the saath saath kabhī titliyoñ ke par
ab kyuuñ ḳhafā ḳhafā se ho ik mere saath par
kyuuñ dil ye be-qarār hai sāhab mujhe batā
gar rakh diyā hai haath ko 'vishma' ke haath par
sayyaad aa gae hain sabhi ek ghat par
uThne lagi hain ungliyan ab meri zat par
mausam ka lahja sard hai yaaden bhi talKH hain
tanhaiyon ka bojh hai har samt raat par
kyun aaj meri yaad bhi aai nahin tujhe
kal tak to mera tazkira tha baat baat par
ghaTte the sath sath kabhi titliyon ke par
ab kyun KHafa KHafa se ho ek mere sath par
kyun dil ye be-qarar hai sahab mujhe bata
gar rakh diya hai hath ko 'wishma' ke hath par
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
