shad-bash ai justuju

shād-bāsh ai justujū

ye hai manzil rū-barū

'ishq masrūf-e-fuġhāñ

husn vaqf-e-hāo-hū

chashm-e-altāf-o-karam

dāman-e-dil kā rafū

phir haiñ raqsāñ gardisheñ

laao phir jām-o-subū

rang lā kar hī rahā

ārzūoñ kā lahū

ham-nafas kyā dekh kar

uḌ gayā rang-e-adū

gul khile vaqt-e-namāz

os thī bahr-e-vuzū

haiñ malā.ik dam-ba-ḳhud

jaan kar merā ‘ulū

vaj.h-e-taḳhrīb-e-milal

imtiyāz-e-mā-o-tū

laġhzish-e-mastāna thī

zindagī kī har numū

haal 'alvī' kyā kahe

zāt-e-be-parvā hai tū

shad-bash ai justuju

ye hai manzil ru-baru

'ishq masruf-e-fughan

husn waqf-e-hao-hu

chashm-e-altaf-o-karam

daman-e-dil ka rafu

phir hain raqsan gardishen

lao phir jam-o-subu

rang la kar hi raha

aarzuon ka lahu

ham-nafas kya dekh kar

uD gaya rang-e-adu

gul khile waqt-e-namaz

os thi bahr-e-wuzu

hain malaik dam-ba-KHud

jaan kar mera ‘ulu

wajh-e-taKHrib-e-milal

imtiyaz-e-ma-o-tu

laghzish-e-mastana thi

zindagi ki har numu

haal 'alwi' kya kahe

zat-e-be-parwa hai tu