shaeri mujhko ajab haal mein le jati hai

Arif Imam

shaeri mujhko ajab haal mein le jati hai

Arif Imam

MORE BYArif Imam

    shā.erī mujh ko ajab haal meñ le jaatī hai

    kabhī mātam kabhī dhammāl meñ le jaatī hai

    meñ kisī chashm-e-nigah-dār had meñ huuñ ki jo

    mujh ko vāpas mire ahvāl meñ le jaatī hai

    merī ḳhvāhish baḌī tafsīl-talab hai lekin

    terī sūrat mujhe ijmāl meñ le jaatī hai

    maiñ bichhātā huuñ musallā sar-e-mehrāb-e-niyāz

    phir ibādat mujhe pātāl meñ le jaatī hai

    maiñ to suntā nahīñ huuñ koī guftār-e-ḳhirad

    ye kabhī qiil kabhī qaal meñ le jaatī hai

    raas aa.ī na mujhe ā.ina-ḳhāne chamak

    ye mirī shakl ko ashkāl meñ le jaatī hai

    ḳhud-farāmoshī ik lahr kahīñ se aa kar

    ek do baar mujhe saal meñ le jaatī hai

    is liye sotā nahīñ maiñ ki nigār-e-duniyā

    ḳhema-e-ḳhvāb se pinDāl meñ le jaatī hai

    shaeri mujh ko ajab haal mein le jati hai

    kabhi matam kabhi dhammal mein le jati hai

    mein kisi chashm-e-nigah-dar ki had mein hun ki jo

    mujh ko wapas mere ahwal mein le jati hai

    meri KHwahish baDi tafsil-talab hai lekin

    teri surat mujhe ijmal mein le jati hai

    main bichhata hun musalla sar-e-mehrab-e-niyaz

    phir ibaadat mujhe patal mein le jati hai

    main to sunta hi nahin hun koi guftar-e-KHirad

    ye kabhi qil kabhi qal mein le jati hai

    ras aai na mujhe aaina-KHane ki chamak

    ye meri shakl ko ashkal mein le jati hai

    KHud-faramoshi ki ek lahr kahin se aa kar

    ek do bar mujhe sal mein le jati hai

    is liye sota nahin main ki nigar-e-duniya

    KHema-e-KHwab se pinDal mein le jati hai

    Source :
    • Book : Adab-o-Saqafat International (Pg. 102)
    • Author : Shakeelsarosh
    • Publication : Misal Publishers Raheem Center Press Market Ameen Pur Bazar, Faisalbad, Pakistan
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now