shaKH ke baad zamin se bhi juda hona hai
shāḳh ke baa'd zamīñ se bhī judā honā hai
barg-e-uftāda abhī raqs-e-havā honā hai
ham to bārish haiñ ḳharāboñ kī hameñ agle baras
dar-o-dīvār ke chehre pe likhā honā hai
sar agar sar hai to nezoñ se shikāyat kaisī
dil agar dil hai to dariyā se baḌā honā hai
kuchh to karnā hai ki patthar na samajh le sailāb
varna is ret kī dīvār se kyā honā hai
shaKH ke ba'd zamin se bhi juda hona hai
barg-e-uftada abhi raqs-e-hawa hona hai
hum to barish hain KHarabon ki hamein agle baras
dar-o-diwar ke chehre pe likha hona hai
sar agar sar hai to nezon se shikayat kaisi
dil agar dil hai to dariya se baDa hona hai
kuchh to karna hai ki patthar na samajh le sailab
warna is ret ki diwar se kya hona hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
