shaKH se patte parinde aashiyan se ja chuke
Interesting Fact
Published on 18 Dec 1982 in an Urdu Daily 'Nawa-i-Waqt' Rawalpindi
shāḳh se patte parinde āshiyāñ se jā chuke
kaisī rut hai sab makīñ apne makāñ se jā chuke
maiñ ḳhalāoñ meñ bhaTakne ko akelā rah gayā
mere sāthī chāñd-tāre āsmāñ par jā chuke
ḳhushk patte uḌte phirte haiñ yahāñ ab jā-ba-jā
rañg-o-nik.hat ke musāfir gulsitāñ tak jā chuke
tere qaabū meñ the jab tere the ab tere nahīñ
uḌ ke ab alfāz ke panchhī zabāñ se jā chuke
kah rahe haiñ dard meñ Duube hue dīvār-o-dar
DhūñDte phirte ho jin ko tum yahāñ se jā chuke
zindagī meñ dekhne the ye bhī din 'ḳhāvar' hameñ
jo kabhī bichhḌe na the vahm-o-gumāñ se jā chuke
shaKH se patte parinde aashiyan se ja chuke
kaisi rut hai sab makin apne makan se ja chuke
main KHalaon mein bhaTakne ko akela rah gaya
mere sathi chand-tare aasman par ja chuke
KHushk patte uDte phirte hain yahan ab ja-ba-ja
rang-o-nikhat ke musafir gulsitan tak ja chuke
tere qabu mein the jab tere the ab tere nahin
uD ke ab alfaz ke panchhi zaban se ja chuke
kah rahe hain dard mein Dube hue diwar-o-dar
DhunDte phirte ho jin ko tum yahan se ja chuke
zindagi mein dekhne the ye bhi din 'KHawar' hamein
jo kabhi bichhDe na the wahm-o-guman se ja chuke
Source:
Muntakhab Gazle.n (Pg. 76)
- Author: Nasir Zaidi
-
- Edition: 1983
- Publisher: Zahid Malik
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
