sham aai to koi KHush-badni yaad aai

Azm Bahzad

sham aai to koi KHush-badni yaad aai

Azm Bahzad

MORE BYAzm Bahzad

    shaam aa.ī to koī ḳhush-badnī yaad aa.ī

    mujhe ik shaḳhs va.ada-shiknī yaad aa.ī

    mujhe yaad aayā ki ik daur thā sargoshī

    aaj usī daur ik kam-suḳhanī yaad aa.ī

    masnad-e-naġhma se ik rañg-e-tabassum ubhrā

    khilkhilātī huī ġhuncha-dahnī yaad aa.ī

    lab jo yaad aa.e to bosoñ ḳhalish jaag uThī

    phuul mahke to mujhe be-chamnī yaad aa.ī

    phir tasavvur meñ chalī aa.ī mahaktī huī shab

    aur simTī huī be pairahanī yaad aa.ī

    haañ kabhī dil se guzartā thā julūs-e-ḳhvāhish

    aaj usī tarah ik nāra-zanī yaad aa.ī

    qisa-e-rafta ko dohrā to liyā 'azm' magar

    kis masāfat pe tumheñ be-vatanī yaad aa.ī

    sham aai to koi KHush-badni yaad aai

    mujhe ek shaKHs ki wada-shikni yaad aai

    mujhe yaad aaya ki ek daur tha sargoshi ka

    aaj usi daur ki ek kam-suKHani yaad aai

    masnad-e-naghma se ek rang-e-tabassum ubhra

    khilkhilati hui ghuncha-dahni yaad aai

    lab jo yaad aae to boson ki KHalish jag uThi

    phul mahke to mujhe be-chamni yaad aai

    phir tasawwur mein chali aai mahakti hui shab

    aur simTi hui be pairahani yaad aai

    han kabhi dil se guzarta tha julus-e-KHwahish

    aaj usi tarah ki ek nara-zani yaad aai

    qisa-e-rafta ko dohra to liya 'azm' magar

    kis masafat pe tumhein be-watani yaad aai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY