sham-e-furqat intiha-e-gardish-e-ayyam hai
shām-e-furqat intihā-e-gardish-e-ayyām hai
jitnī sub.heñ ho chukī haiñ aaj sab kī shaam hai
kū-e-jānāñ dekh kar jannat se yuuñ māyūs huuñ
pūchhtā phirtā huuñ kyā jannat isī kā naam hai
is tarah duniyā hai ik ma.amūra-e-nāz-o-niyāz
zarre zarre par mirā sajda tumhārā naam hai
allāh allāh ye taġhāful aur is par ye ġhurūr
kyā mujhe nākām kar denā bhī koī kaam hai
haañ nahīñ 'sīmāb' mujh ko apnī hastī par ġhurūr
jāntā huuñ maiñ mirī duniyā fanā-anjām hai
sham-e-furqat intiha-e-gardish-e-ayyam hai
jitni subhen ho chuki hain aaj sab ki sham hai
ku-e-jaanan dekh kar jannat se yun mayus hun
puchhta phirta hun kya jannat isi ka nam hai
is tarah duniya hai ek mamura-e-naz-o-niyaz
zarre zarre par mera sajda tumhaara nam hai
allah allah ye taghaful aur is par ye ghurur
kya mujhe nakaam kar dena bhi koi kaam hai
han nahin 'simab' mujh ko apni hasti par ghurur
jaanta hun main meri duniya fana-anjam hai
Source:
Intekhab-e-Sukhan(Jild-2) (Pg. 252)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
