aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sham-e-gham ki sahar nahin hoti

Ibn e Insha

sham-e-gham ki sahar nahin hoti

Ibn e Insha

MORE BYIbn e Insha

    shām-e-ġham sahar nahīñ hotī

    hamīñ ko ḳhabar nahīñ hotī

    ham ne sab dukh jahāñ ke dekhe haiñ

    bekalī is qadar nahīñ hotī

    naala yuuñ nā-rasā nahīñ rahtā

    aah yuuñ be-asar nahīñ hotī

    chāñd hai kahkashāñ hai taare haiñ

    koī shai nāma-bar nahīñ hotī

    ek jāñ-soz o nā-murād ḳhalish

    is taraf hai udhar nahīñ hotī

    dosto ishq hai ḳhatā lekin

    kyā ḳhatā darguzar nahīñ hotī

    raat aa kar guzar bhī jaatī hai

    ik hamārī sahar nahīñ hotī

    be-qarārī sahī nahīñ jaatī

    zindagī muḳhtasar nahīñ hotī

    ek din dekhne ko aa jaate

    ye havas umr bhar nahīñ hotī

    husn sab ko ḳhudā nahīñ detā

    har kisī nazar nahīñ hotī

    dil piyāla nahīñ gadā.ī

    āshiqī dar-ba-dar nahīñ hotī

    sham-e-gham ki sahar nahin hoti

    ya hamin ko KHabar nahin hoti

    hum ne sab dukh jahan ke dekhe hain

    bekali is qadar nahin hoti

    nala yun na-rasa nahin rahta

    aah yun be-asar nahin hoti

    chand hai kahkashan hai tare hain

    koi shai nama-bar nahin hoti

    ek jaan-soz o na-murad KHalish

    is taraf hai udhar nahin hoti

    dosto ishq hai KHata lekin

    kya KHata darguzar nahin hoti

    raat aa kar guzar bhi jati hai

    ek hamari sahar nahin hoti

    be-qarari sahi nahin jati

    zindagi muKHtasar nahin hoti

    ek din dekhne ko aa jate

    ye hawas umr bhar nahin hoti

    husn sab ko KHuda nahin deta

    har kisi ki nazar nahin hoti

    dil piyala nahin gadai ka

    aashiqi dar-ba-dar nahin hoti

    RECITATIONS

    Nomaan Shauque

    Nomaan Shauque,

    Nomaan Shauque

    sham-e-gham ki sahar nahin hoti Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now