shām-e-ġham kī sahar nahīñ hotī
aah bhī kārgar nahīñ hotī
jab uThāte haiñ vo naqāb-e-ruḳh
mere bas meñ nazar nahīñ hotī
mere zaḳhm-e-jigar ko vahshat meñ
hājat baḳhiya-gar nahīñ hotī
us se ummīd-e-rahm kyā karte
jis kī sīdhī nazar nahīñ hotī
kashmakash meñ huuñ maiñ masā.ib ke
zindagānī basar nahīñ hotī
aise aalam meñ dekhtā huuñ maiñ
jab kisī kī nazar nahīñ hotī
ġhair kī samt dekhne vaale
kyuuñ tavajjoh idhar nahīñ hotī
tuul khīñchā hai yuuñ shab-e-ġham ne
kisī sūrat sahar nahīñ hotī
dil churātī hai yuuñ nigāh-e-nāz
aur mujh ko ḳhabar nahīñ hotī
dil lagā kar sukūñ ġhalat 'sājid'
āshiqī chāragar nahīñ hotī
sham-e-gham ki sahar nahin hoti
aah bhi kargar nahin hoti
jab uThate hain wo naqab-e-ruKH
mere bas mein nazar nahin hoti
mere zaKHm-e-jigar ko wahshat mein
hajat baKHiya-gar nahin hoti
us se ummid-e-rahm kya karte
jis ki sidhi nazar nahin hoti
kashmakash mein hun main masaib ke
zindagani basar nahin hoti
aise aalam mein dekhta hun main
jab kisi ki nazar nahin hoti
ghair ki samt dekhne wale
kyun tawajjoh idhar nahin hoti
tul khincha hai yun shab-e-gham ne
kisi surat sahar nahin hoti
dil churaati hai yun nigah-e-naz
aur mujh ko KHabar nahin hoti
dil laga kar sukun ghalat 'sajid'
aashiqi chaaragar nahin hoti
Source:
Aaina-e-Ghazal (Pg. 48)
-
Author:
Sajid Siddiqi lakhnavi
-
- Edition: 1973
- Publisher: Sajid Siddiqi lakhnavi
- Year of Publication: 1973
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
