sham-e-ghurbat jo sar-e-subh-e-watan TuTti hai

shām-e-ġhurbat jo sar-e-sub.h-e-vatan TūTtī hai

dekh ke tujh ko nigāhoñ kī thakan TūTtī hai

hañstā rahtā huuñ ki chhup jaa.eñ tire ġham ke nuqūsh

ḳhanda-e-lab se jabīnoñ kī shikan TūTtī hai

pā-ba-jaulāñ rah-e-pur-ḳhār pe chalne vāloñ

koī din aur ki kāñToñ kī chubhan TūTtī hai

ishq-e-sānī meñ hai ma.ashūq-e-guzishta kā ḳhayāl

vaslat-e-nau pas-e-hijrān-e-kuhan TūTtī hai

guftugū lams bhī kartā hai sar-e-ḳhalvat-e-shab

ḳhāmushī bar-sar-e-mizrāb-e-badan TūTtī hai

sham-e-ghurbat jo sar-e-subh-e-watan TuTti hai

dekh ke tujh ko nigahon ki thakan TuTti hai

hansta rahta hun ki chhup jaen tere gham ke nuqush

KHanda-e-lab se jabinon ki shikan TuTti hai

pa-ba-jaulan rah-e-pur-KHar pe chalne walon

koi din aur ki kanTon ki chubhan TuTti hai

ishq-e-sani mein hai mashuq-e-guzishta ka KHayal

waslat-e-nau pas-e-hijran-e-kuhan TuTti hai

guftugu lams bhi karta hai sar-e-KHalwat-e-shab

KHamushi bar-sar-e-mizrab-e-badan TuTti hai