sham-e-taklif ki duniya mein sahar ho to sahi
sham-e-taklif ki duniya mein sahar ho to sahi
Mirza Altaf Husain Alim Lucknowi
MORE BYMirza Altaf Husain Alim Lucknowi
shām-e-taklīf kī duniyā meñ sahar ho to sahī
haa.e kam-baḳht kahīñ dard-e-jigar ho to sahī
baiThne vaale na baiTheñge kabhī mahfil meñ
o sitamgar tire dil meñ mirā ghar ho to sahī
dil-e-betāb kā milnā nahīñ mushkil lekin
haath bhar kā kisī siine meñ jigar ho to sahī
ham ye samjheñge ki dil thā hī nahīñ siine meñ
un kī duzdīda nigāhoñ kā asar ho to sahī
chhup gayā āñkhoñ se ik nuur bas itnā kah kar
kyā batāne meñ haraj thā koī ghar ho to sahī
kah ke ye phir ga.ī thiiñ kāhkashāñ se āñkheñ
tujh se miltī huī vo rāhguzar ho to sahī
phir dikhā.ūñgā maiñ anmol javāhar 'ālim'
mirī qismat se koī ahl-e-nazar ho to sahī
sham-e-taklif ki duniya mein sahar ho to sahi
hae kam-baKHt kahin dard-e-jigar ho to sahi
baiThne wale na baiThenge kabhi mahfil mein
o sitamgar tere dil mein mera ghar ho to sahi
dil-e-betab ka milna nahin mushkil lekin
hath bhar ka kisi sine mein jigar ho to sahi
hum ye samjhenge ki dil tha hi nahin sine mein
un ki duzdida nigahon ka asar ho to sahi
chhup gaya aankhon se ek nur bas itna kah kar
kya batane mein haraj tha koi ghar ho to sahi
kah ke ye phir gai thin kahkashan se aankhen
tujh se milti hui wo rahguzar ho to sahi
phir dikhaunga main anmol jawahar 'alim'
meri qismat se koi ahl-e-nazar ho to sahi
- Book : Intekhab-e-Kuliyat Aalim Lucknowi (Pg. 301)
- Author : Mirza Mohammad Yousuf
- Publication : M. R. Publication (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
