sham guzri hai abhi gham ki sahar baqi hai

shaam guzrī hai abhī ġham kī sahar baaqī hai

ik safar ḳhatm huā ek safar baaqī hai

kis tarah ghar meñ kahūñ apne shikasta-ghar ko

koī dīvār salāmat hai na dar baaqī hai

zard aatā hai nazar ḳhauf-e-ḳhizāñ se vo bhī

ek pattā jo sar-e-shāḳh-e-shajar baaqī hai

ab jalā.eñ bhī dobāra to vo shāyad na jaleñ

jin charāġhoñ pe havāoñ kā asar baaqī hai

kyuuñ rahe tishna-e-ḳhūñ vo bhī hamāre hote

tere tarkash meñ koī tiir agar baaqī hai

ḳhatm hote hī maiñ aatī nahīñ rāh-e-manzil

umr-bhar chalte rahe phir bhī safar baaqī hai

dasht kī ḳhaak huā jism to kab kā 'ḳhāvar'

shahr meñ ab bhī mirā naam magar baaqī hai

sham guzri hai abhi gham ki sahar baqi hai

ek safar KHatm hua ek safar baqi hai

kis tarah ghar mein kahun apne shikasta-ghar ko

koi diwar salamat hai na dar baqi hai

zard aata hai nazar KHauf-e-KHizan se wo bhi

ek patta jo sar-e-shaKH-e-shajar baqi hai

ab jalaen bhi dobara to wo shayad na jalen

jin charaghon pe hawaon ka asar baqi hai

kyun rahe tishna-e-KHun wo bhi hamare hote

tere tarkash mein koi tir agar baqi hai

KHatm hote hi main aati nahin rah-e-manzil

umr-bhar chalte rahe phir bhi safar baqi hai

dasht ki KHak hua jism to kab ka 'KHawar'

shahr mein ab bhi mera nam magar baqi hai