sham ka manzar uljha rasta ek kahani tu aur main

shaam kā manzar uljhā rasta ek kahānī tū aur maiñ

Dhaltā sūraj baḌhtā saaya kashtī-rānī tū aur maiñ

band ik kamra chup kā manzar bhūlī-bisrī dīpak yaad

tanhā.ī dukh ḳhauf kī lazzat dilbar-e-jānī tū aur maiñ

titlī ḳhushbū rañg kī bāteñ shabnam se sharmīle ḳhvāb

aas kā panchhī gum-sum ḳhvāhish rāt-kī-rānī tū aur maiñ

palkeñ chilman sharmā-sharmī kam kam goyā nazreñ qurb

rātoñ jaisī sīdhī-sādī ik nādānī tū aur maiñ

raat ghanerī ghor ghaTā.eñ sāvan sī barsāt 'alī'

yaad kā panchhī vaqt-e-āḳhir aañkh meñ paanī tū aur maiñ

sham ka manzar uljha rasta ek kahani tu aur main

Dhalta suraj baDhta saya kashti-rani tu aur main

band ek kamra chup ka manzar bhuli-bisri dipak yaad

tanhai dukh KHauf ki lazzat dilbar-e-jaani tu aur main

titli KHushbu rang ki baaten shabnam se sharmile KHwab

aas ka panchhi gum-sum KHwahish raat-ki-rani tu aur main

palken chilman sharma-sharmi kam kam goya nazren qurb

raaton jaisi sidhi-sadi ek nadani tu aur main

raat ghaneri ghor ghaTaen sawan si barsat 'ali'

yaad ka panchhi waqt-e-aKHir aankh mein pani tu aur main