sham rakhti hai bahut dard se betab mujhe

Shahab Jafri

sham rakhti hai bahut dard se betab mujhe

Shahab Jafri

MORE BY Shahab Jafri

    shaam rakhtī hai bahut dard se betāb mujhe

    le ke chhup kahīñ ai ārzū-e-ḳhvāb mujhe

    ab maiñ ik mauj-e-shab-e-tār huuñ sāhil sāhil

    raah meñ chhoḌ gayā hai mirā mahtāb mujhe

    ab tak ik sham-e-siyah-posh huuñ sahrā sahrā

    tujh se chhuT kar na milī rahguzar-e-ḳhvāb mujhe

    sāhil-e-āb-o-sarāb ek hai manzil manzil

    tishnagī kartī hai sairāb na ġharqāb mujhe

    maiñ bhī sahrā huuñ mujhe sañg samajhne vaalo

    apnī āvāz se karte chalo sairāb mujhe

    maiñ bhī dariyā huuñ har ik samt ravāñ huuñ kab se

    merā sāhil bhī nahīñ manzil-e-pāyāb mujhe

    ab mujhe DhūñDh na āġhosh-e-gurezāñ har-sū

    le uḌī ḳhaak bahā le gayā sailāb mujhe

    shaam pūchhe to na kahnā ki maiñ duniyā meñ nahīñ

    le ke phir aa.egā is ghar meñ mirā ḳhvāb mujhe

    sham rakhti hai bahut dard se betab mujhe

    le ke chhup ja kahin ai aarzu-e-KHwab mujhe

    ab main ek mauj-e-shab-e-tar hun sahil sahil

    rah mein chhoD gaya hai mera mahtab mujhe

    ab tak ek sham-e-siyah-posh hun sahra sahra

    tujh se chhuT kar na mili rahguzar-e-KHwab mujhe

    sahil-e-ab-o-sarab ek hai manzil manzil

    tishnagi karti hai sairab na gharqab mujhe

    main bhi sahra hun mujhe sang samajhne walo

    apni aawaz se karte chalo sairab mujhe

    main bhi dariya hun har ek samt rawan hun kab se

    mera sahil bhi nahin manzil-e-payab mujhe

    ab mujhe DhunDh na aaghosh-e-gurezan har-su

    le uDi KHak baha le gaya sailab mujhe

    sham puchhe to na kahna ki main duniya mein nahin

    le ke phir aaega is ghar mein mera KHwab mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY