sham se milne gaya to raat ne Thahra liya

shaam se milne gayā to raat ne Thahrā liyā

jaane kaise chāñd ne sūraj ko bhī bahkā liyā

ham ne chup kyā saadh lī har shaḳhs kī har baat par

phir huā jitnā bhī jis se us ne bas taḌpā liyā

maanā ik uljhe hue resham sā ham meñ rabt thā

jab sulajh paayā na thā to aur kyuuñ uljhā liyā

kuchh ne lī hai hukmarānī aur vilāyat kuchh ne lī

ham ne 'hāmid' tum ko paane vaalā bas kaasa liyā

sham se milne gaya to raat ne Thahra liya

jaane kaise chand ne suraj ko bhi bahka liya

hum ne chup kya sadh li har shaKHs ki har baat par

phir hua jitna bhi jis se us ne bas taDpa liya

mana ek uljhe hue resham sa hum mein rabt tha

jab sulajh paya na tha to aur kyun uljha liya

kuchh ne li hai hukmarani aur wilayat kuchh ne li

hum ne 'hamid' tum ko pane wala bas kasa liya