shab-e-be-mah bhi uski nahin kali hogi

shab-e-be-māh bhī us kī nahīñ kaalī hogī

jis ne katran bhī tire nuur kī pā lī hogī

log kahte haiñ koī tujh sā hasīñ aur bhī hai

maiñ ye kahtā huuñ ki ye baat ḳhayālī hogī

us ne bhī mujh ko yahī soch ke DhūñDā na kabhī

maiñ ne ab tak to na.ī duniyā basā lī hogī

jab sunā ek añdherā sā hai ghar meñ mere

dukh se bole mirī tasvīr haTā lī hogī

haiñ pashemāñ vo mo.attal tujhe kar ke ai dil

ġham na kar phir usī mansab pe bahālī hogī

aaTh das saal meñ 'mannān' ye ejāz-e-suḳhan

tum ne kuchh umr-e-suḳhan apnī chhupā lī ho hogī

shab-e-be-mah bhi us ki nahin kali hogi

jis ne katran bhi tere nur ki pa li hogi

log kahte hain koi tujh sa hasin aur bhi hai

main ye kahta hun ki ye baat KHayali hogi

us ne bhi mujh ko yahi soch ke DhunDa na kabhi

main ne ab tak to nai duniya basa li hogi

jab suna ek andhera sa hai ghar mein mere

dukh se bole meri taswir haTa li hogi

hain pasheman wo moattal tujhe kar ke ai dil

gham na kar phir usi mansab pe bahaali hogi

aaTh das sal mein 'mannan' ye ejaz-e-suKHan

tum ne kuchh umr-e-suKHan apni chhupa li ho hogi