shab-e-firaq hai ranj-o-alam hai aa jao
shab-e-firāq hai ranj-o-alam hai aa jaao
mirī hayāt meñ ab ġham hī ġham hai aa jaao
tumhārā tarz-e-taġhāful bajā sahī lekin
marīz-e-hijr kā āñkhoñ meñ dam hai aa jaao
abhī jahāñ kī nazar se bachā ke rakkhā hai
hamārā 'ishq abhī mohtaram hai aa jaao
phir is ke baa'd mulāqāt ho na ho shāyad
qasam ḳhudā kī mirī 'umr kam hai aa jaao
agar mileñ vo 'ziyā' un se itnā kah denā
vafā kī raah qadam do qadam hai aa jaao
shab-e-firaq hai ranj-o-alam hai aa jao
meri hayat mein ab gham hi gham hai aa jao
tumhaara tarz-e-taghaful baja sahi lekin
mariz-e-hijr ka aankhon mein dam hai aa jao
abhi jahan ki nazar se bacha ke rakkha hai
hamara 'ishq abhi mohtaram hai aa jao
phir is ke ba'd mulaqat ho na ho shayad
qasam KHuda ki meri 'umr kam hai aa jao
agar milen wo 'ziya' un se itna kah dena
wafa ki rah qadam do qadam hai aa jao
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
