shab-e-gham ke tamashe par ye ghar KHamosh rahta hai

shab-e-ġham ke tamāshe par ye ghar ḳhāmosh rahtā hai

ziyā bhī kuchh nahīñ kahtī hunar ḳhāmosh rahtā hai

zarā sā ek nukta ye samajh meñ kyoñ nahīñ aayā

ki dil par choT paḌtī hai to sar ḳhāmosh rahtā hai

husain-ibn-e-'alī tū ne karishma kar diyā kaisā

zamīn-e-karbalā kā ab safar ḳhāmosh rahtā hai

zarā sī baat hangāma sā kar detī hai duniyā meñ

sañbhal kar koī bole to zarar ḳhāmosh rahtā hai

chamakte āñsuoñ kī sub.h maiñ ne kuchh nahīñ dekhā

mire kamre meñ ḳhurshīd-e-sahar ḳhāmosh rahtā hai

yahāñ ashkoñ kī barsāteñ huā kartī haiñ roz-o-shab

mohabbat ke 'ilāqe meñ sharar ḳhāmosh rahtā hai

'shamīm' aisī bhī qurbat se batāo kyā huā hāsil

agar dīvār rotī hai to dar ḳhāmosh rahtā hai

shab-e-gham ke tamashe par ye ghar KHamosh rahta hai

ziya bhi kuchh nahin kahti hunar KHamosh rahta hai

zara sa ek nukta ye samajh mein kyon nahin aaya

ki dil par choT paDti hai to sar KHamosh rahta hai

husain-ibn-e-'ali tu ne karishma kar diya kaisa

zamin-e-karbala ka ab safar KHamosh rahta hai

zara si baat hangama sa kar deti hai duniya mein

sanbhal kar koi bole to zarar KHamosh rahta hai

chamakte aansuon ki subh main ne kuchh nahin dekha

mere kamre mein KHurshid-e-sahar KHamosh rahta hai

yahan ashkon ki barsaten hua karti hain roz-o-shab

mohabbat ke 'ilaqe mein sharar KHamosh rahta hai

'shamim' aisi bhi qurbat se batao kya hua hasil

agar diwar roti hai to dar KHamosh rahta hai