shab-e-tira ka ehtimam hai ye
shab-e-tīra kā ehtimām hai ye
ḳhuuñ nahā.ī huī jo shaam hai ye
gard-ālūd haiñ sabhī rāheñ
kis kī āvārgī kā kaam hai ye
tum mohabbat ko kyā samajhte ho
kyā qayāmat kā intizām hai ye
ab bhī saa.e hī kī talāsh meñ huuñ
koī batlā.e mujh ko shaam hai ye
bain hotā hai ḳhaas mauqoñ par
jabki apne yahāñ to 'aam hai ye
shab-e-tira ka ehtimam hai ye
KHun nahai hui jo sham hai ye
gard-alud hain sabhi rahen
kis ki aawargi ka kaam hai ye
tum mohabbat ko kya samajhte ho
kya qayamat ka intizam hai ye
ab bhi sae hi ki talash mein hun
koi batlae mujh ko sham hai ye
bain hota hai KHas mauqon par
jabki apne yahan to 'am hai ye
- Book : Udaas Logon Ka Hona Bahut Zaruri Hai (Pg. 92)
- Author : Tarkash Pradeep
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
