shab-e-visal mein bezar hain sharab se hum

shab-e-visāl meñ bezār haiñ sharāb se ham

ki aaj rakhte haiñ sad naam āftāb se ham

yahī hai chashma-e-āb-e-hayāt bas ai ḳhizr

na badleñ is ko to ik qatra-e-sharāb se ham

hue hamesha ko ranj-e-ḳhumār se fāriġh

milā ke aañkh kisī chashm-e-nīm-ḳhvāb se ham

chale haiñ dair se uTh kar sū-e-haram 'ārif'

rah-e-ḳhatā pe phir aa.e rah-e-savāb se ham

shab-e-visal mein bezar hain sharab se hum

ki aaj rakhte hain sad nam aaftab se hum

yahi hai chashma-e-ab-e-hayat bas ai KHizr

na badlen is ko to ek qatra-e-sharab se hum

hue hamesha ko ranj-e-KHumar se farigh

mila ke aankh kisi chashm-e-nim-KHwab se hum

chale hain dair se uTh kar su-e-haram 'arif'

rah-e-KHata pe phir aae rah-e-sawab se hum