shab josh-e-girya tha mujhe yaad sharab mein

shab josh-e-girya thā mujhe yaad sharāb meñ

thā ġharq maiñ tasavvur-e-ātish se aab meñ

yārab vo ḳhvāb-e-haq meñ mire ḳhvāb marg ho

aave vo mast-e-ḳhvāb agar mere ḳhvāb meñ

yārab ye kis ne chehre se ulTā naqāb jo

sau raḳhne ab nikalne lage āftāb meñ

kyā aql mohtasib kī ki laayā hai khīñch kar

saudā-zadoñ ko mahkama-e-ehtisāb meñ

ham jān-o-dil ko de chuke mauhūm umiid par

ab ho so ho Dubo de ye kashtī sharāb meñ

kuchh bhī lagī na rakkhī Dubo dī rahī sahī

dil ko na Dālnā thā savāl-o-javāb meñ

ulfat meñ un kī ab to hai jānoñ kī paḌ ga.ī

dil kis shumār meñ hai jigar kis hisāb meñ

the justujū meñ roz-e-azal jā-e-dard kī

aayā pasand dil mirā is intiḳhāb meñ

shab josh-e-girya tha mujhe yaad sharab mein

tha gharq main tasawwur-e-atish se aab mein

yarab wo KHwab-e-haq mein mere KHwab marg ho

aawe wo mast-e-KHwab agar mere KHwab mein

yarab ye kis ne chehre se ulTa naqab jo

sau raKHne ab nikalne lage aaftab mein

kya aql mohtasib ki ki laya hai khinch kar

sauda-zadon ko mahkama-e-ehtisab mein

hum jaan-o-dil ko de chuke mauhum umid par

ab ho so ho Dubo de ye kashti sharab mein

kuchh bhi lagi na rakkhi Dubo di rahi sahi

dil ko na Dalna tha sawal-o-jawab mein

ulfat mein un ki ab to hai jaanon ki paD gai

dil kis shumar mein hai jigar kis hisab mein

the justuju mein roz-e-azal ja-e-dard ki

aaya pasand dil mera is intiKHab mein