shab ke hathon gira aur kahin rah gaya

Khalid Mahmood Zaki

shab ke hathon gira aur kahin rah gaya

Khalid Mahmood Zaki

MORE BYKhalid Mahmood Zaki

    shab ke hāthoñ girā aur kahīñ rah gayā

    chāñd phir be-falak be-zamīñ rah gayā

    chalte rahte to milne imkān thā

    jo jahāñ ruk gayā vo vahīñ rah gayā

    ḳhud ko kho.e hue kyā kise DhūñDte

    tum kahīñ rah ga.e maiñ kahīñ rah gayā

    kaun rakkhe hisāb-e-shab-o-roz jab

    shab kahīñ rah ga.ī din kahīñ rah gayā

    kho gayā jo bhī zād-e-safar paas thā

    ḳhvāb oḌhe hue ik yaqīñ rah gayā

    tum mile kahāñ milne jaise mujhe

    maiñ jahāñ thā vahīñ vahīñ rah gayā

    sab guzartā gayā sab guzarne diyā

    phir bhī kyā kyā na dal ke qarīñ rah gayā

    maiñ uThā.e hue ye badan chal paḌā

    dil bhī raazī thā phir bhī vahīñ rah gayā

    ba.ad muddat ke ab sochnā bhī hai kyā

    paas kyā rah gayā kyā nahīñ rah gayā

    shab ke hathon gira aur kahin rah gaya

    chand phir be-falak be-zamin rah gaya

    chalte rahte to milne ka imkan tha

    jo jahan ruk gaya wo wahin rah gaya

    KHud ko khoe hue kya kise DhunDte

    tum kahin rah gae main kahin rah gaya

    kaun rakkhe hisab-e-shab-o-roz jab

    shab kahin rah gai din kahin rah gaya

    kho gaya jo bhi zad-e-safar pas tha

    KHwab oDhe hue ek yaqin rah gaya

    tum mile hi kahan milne jaise mujhe

    main jahan tha wahin ka wahin rah gaya

    sab guzarta gaya sab guzarne diya

    phir bhi kya kya na dal ke qarin rah gaya

    main uThae hue ye badan chal paDa

    dil bhi raazi tha phir bhi wahin rah gaya

    baad muddat ke ab sochna bhi hai kya

    pas kya rah gaya kya nahin rah gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now