shab KHumar-e-shauq-e-saqi rustaKHez-andaza tha

shab ḳhumār-e-shauq-e-sāqī rustaḳhez-andāza thā

tā-muhīt-e-bāda sūrat ḳhāna-e-ḳhamyāza thā

yak qadam vahshat se dars-e-daftar-e-imkāñ khulā

jaada ajzā-e-do-ālam dasht kā shīrāza thā

māna-e-vahshat-ḳhirāmī-hā-e-lailā kaun hai

ḳhāna-e-majnūn-e-sahrā-gard be-darvāza thā

pūchh mat rusvā.i-e-andāz-e-istiġhnā-e-husn

dast marhūn-e-hinā ruḳhsār rahn-e-ġhāza thā

nāla-e-dil ne diye aurāq-e-laḳht-e-dil ba-bād

yād-gār-e-nāla ik dīvān-e-be-shīrāza thā

huuñ charāġhān-e-havas juuñ kāġhaz-e-ātish-zada

daaġh garm-e-koshish-e-ījād-e-dāġh-e-tāza thā

be-navā.ī tar sadā-e-naġhma-e-shohrat 'asad'

boriyā yak nīstāñ-ālam buland āvāza thā

shab KHumar-e-shauq-e-saqi rustaKHez-andaza tha

ta-muhit-e-baada surat KHana-e-KHamyaza tha

yak qadam wahshat se dars-e-daftar-e-imkan khula

jada ajza-e-do-alam dasht ka shiraaza tha

mana-e-wahshat-KHirami-ha-e-laila kaun hai

KHana-e-majnun-e-sahra-gard be-darwaza tha

puchh mat ruswai-e-andaz-e-istighna-e-husn

dast marhun-e-hina ruKHsar rahn-e-ghaza tha

nala-e-dil ne diye auraq-e-laKHt-e-dil ba-baad

yaad-gar-e-nala ek diwan-e-be-shiraaza tha

hun charaghan-e-hawas jun kaghaz-e-atish-zada

dagh garm-e-koshish-e-ijad-e-dagh-e-taza tha

be-nawai tar sada-e-naghma-e-shohrat 'asad'

boriya yak nistan-alam buland aawaza tha