shab ko nala jo mera ta-ba-falak jata hai

Habeeb Moosavi

shab ko nala jo mera ta-ba-falak jata hai

Habeeb Moosavi

MORE BYHabeeb Moosavi

    shab ko naala jo mirā tā-ba-falak jaatā hai

    sub.h ko mahr ke parde meñ chamak jaatā hai

    apnā paimāna-e-dil hai mai-e-ġham se labrez

    buuñd se bāda-e-ishrat chhalak jaatā hai

    kamar-e-yār likhtā huuñ nazākat jis dam

    ḳhāma sau martaba kāġhaz pe lachak jaatā hai

    yaad aatī hai kabhī sohbat-e-ahbāb agar

    ek sho.ala hai ki siine meñ bhaḌak jaatā hai

    chāñdnī chhuptī hai takyoñ ke tale ā.ankhoñ meñ ḳhvāb

    sone meñ un dupaTTa jo sarak jaatā hai

    vasl ke zikr pe kahte haiñ bigaḌ kar dekho

    aisī bātoñ se kaleja mirā pak jaatā hai

    dil liyā hai to ḳhudā ke liye kah do sāhab

    muskurāte ho tumhīñ par mirā shak jaatā hai

    pyaar karne ko jo baḌhtā huuñ to kahte haiñ haTo

    nashshe meñ aa ke koī aisā bahak jaatā hai

    sāqiyā jaam pilā siiḳh se utrā hai kabāb

    der achchhī nahīñ ab lutf-e-gazak jaatā hai

    lab-e-ḳhandāñ se na deñ kis liye qātil ko duā

    roz zaḳhmoñ pe namak aa ke chhiḌak jaatā hai

    shefta shāhid-e-ra.anā-e-suḳhan huuñ 'habīb'

    na.e andāz pe dil merā phaḌak jaatā hai

    shab ko nala jo mera ta-ba-falak jata hai

    subh ko mahr ke parde mein chamak jata hai

    apna paimana-e-dil hai mai-e-gham se labrez

    bund se baada-e-ishrat ki chhalak jata hai

    kamar-e-yar ki likhta hun nazakat jis dam

    KHama sau martaba kaghaz pe lachak jata hai

    yaad aati hai kabhi sohbat-e-ahbab agar

    ek shoala hai ki sine mein bhaDak jata hai

    chandni chhupti hai takyon ke tale aaankhon mein KHwab

    sone mein un ka dupaTTa jo sarak jata hai

    wasl ke zikr pe kahte hain bigaD kar dekho

    aisi baaton se kaleja mera pak jata hai

    dil liya hai to KHuda ke liye kah do sahab

    muskuraate ho tumhin par mera shak jata hai

    pyar karne ko jo baDhta hun to kahte hain haTo

    nashshe mein aa ke koi aisa bahak jata hai

    saqiya jam pila siKH se utra hai kabab

    der achchhi nahin ab lutf-e-gazak jata hai

    lab-e-KHandan se na den kis liye qatil ko dua

    roz zaKHmon pe namak aa ke chhiDak jata hai

    shefta shahid-e-rana-e-suKHan ka hun 'habib'

    nae andaz pe dil mera phaDak jata hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY