shab na ye sardi se yaKH-basta zamin har tarf hai

shab na ye sardī se yaḳh-basta zamīñ har tarf hai

mah pukāre hai falak-parvardagī to barf hai

shāh-e-gul kā hukm sayyāroñ ke ye hai baaġh meñ

jo na pī kar aa.e mai naukar nahīñ bartarf hai

surḳh hai rūmāl-e-shālī us ke tahtul-jañg tak

mus.haf ruḳhsār par yā jadval-e-shañgarf hai

nau-ḳhatoñ ke dil meñ juz mashq-e-sitam tarz-e-vafā

yaksar-e-mū ho sake kursī-nashīñ kyā harf hai

dars-e-ilm-e-ishq se vāqif nahīñ mutlaq faqīh

nahv hī meñ mahv hai yā sarf hī meñ sarf hai

mū se hai bārīk she'r-o-shā'erī ke darmiyāñ

ma.anī-e-misrā-e-qāmat kyā qayāmat zarf hai

zāhid-e-ḳhushk-o-ḳhunuk se kab ho sohbat un kī garm

ātish-e-tar se 'muhib' jin kā labālab zarf hai

shab na ye sardi se yaKH-basta zamin har tarf hai

mah pukare hai falak-parwardagi to barf hai

shah-e-gul ka hukm sayyaron ke ye hai bagh mein

jo na pi kar aae mai naukar nahin bartarf hai

surKH hai rumal-e-shaali us ke tahtul-jang tak

mushaf ruKHsar par ya jadwal-e-shangarf hai

nau-KHaton ke dil mein juz mashq-e-sitam tarz-e-wafa

yaksar-e-mu ho sake kursi-nashin kya harf hai

dars-e-ilm-e-ishq se waqif nahin mutlaq faqih

nahw hi mein mahw hai ya sarf hi mein sarf hai

mu se hai barik she'r-o-sha'eri ke darmiyan

mani-e-misra-e-qamat kya qayamat zarf hai

zahid-e-KHushk-o-KHunuk se kab ho sohbat un ki garm

aatish-e-tar se 'muhib' jin ka labaalab zarf hai