shabab-e-mausam hare chaman mein utarna hai

Tahir Adeem

shabab-e-mausam hare chaman mein utarna hai

Tahir Adeem

MORE BYTahir Adeem

    shabāb-e-mausam hare chaman meñ utārnā hai

    kamāl jitnā bhī hai suḳhan meñ utārnā hai

    ḳhudā-e-fan mire qalam meñ utar ki maiñ ne

    kisī ko ġhazloñ ke pairahan meñ utārnā hai

    vo jitnā sonā bhī koh-e-sar meñ paḌā huā hai

    banā ke kundan kisī badan meñ utārnā hai

    nikhār de jo mirī nazar ke tamām manzar

    vo nuur sar ke ujāḌ-ban meñ utārnā hai

    abhī se zulmat-kade meñ thak kar niDhāl ho tum

    abhī to sūraj kiran kiran meñ utārnā hai

    ye apnī fitrat hai ki sāda-dilī hai yaaro

    jo hañs ke bole use bhī man meñ utārnā hai

    hameñ ḳhabar hai ki kyā hai ye shaġhl-e-sher-goī

    ki resha resha jigar fan meñ utārnā hai

    kisī ko 'tāhir-adīm' masnad ye sauñpnī hai

    kisī ko dil ke akele-pan meñ utārnā hai

    shabab-e-mausam hare chaman mein utarna hai

    kamal jitna bhi hai suKHan mein utarna hai

    KHuda-e-fan tu mere qalam mein utar ki main ne

    kisi ko ghazlon ke pairahan mein utarna hai

    wo jitna sona bhi koh-e-sar mein paDa hua hai

    bana ke kundan kisi badan mein utarna hai

    nikhaar de jo meri nazar ke tamam manzar

    wo nur sar ke ujaD-ban mein utarna hai

    abhi se zulmat-kade mein thak kar niDhaal ho tum

    abhi to suraj kiran kiran mein utarna hai

    ye apni fitrat hai ya ki sada-dili hai yaro

    jo hans ke bole use bhi man mein utarna hai

    hamein KHabar hai ki kya hai ye shaghl-e-sher-goi

    ki resha resha jigar ka fan mein utarna hai

    kisi ko 'tahir-adim' masnad ye saunpni hai

    kisi ko dil ke akele-pan mein utarna hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now